सोयाबीन आणि कापूस अनुदान या तारखेपासून जमा होण्यास सुरुवात – धनंजय मुंडे

सोयाबीन आणि कापूस अनुदान या तारखेपासून जमा होण्यास सुरुवात – धनंजय मुंडे

सोयाबीन आणि कापूस अनुदान ; 2023 च्या खरीप हंगामासाठी कापूस आणि सोयाबीन उत्पादक शेतकऱ्यांच्या आर्थिक मदतीसाठी 4 हजार 194.68 कोटी मंजूर करण्यात आले आहेत. कापूस व सोयाबीन उत्पादक शेतकऱ्यांना आर्थिक मदत वाटप करताना येणाऱ्या तांत्रिक अडचणी वित्त मंत्रालय आणि महसूल विभागाच्या मदतीने तातडीने सोडवाव्यात आणि 10 सप्टेंबरपासून शेतकऱ्यांना थेट आर्थिक मदत वाटप करण्याच्या सूचना देण्यात आल्या आहेत. कृषिमंत्री धनंजय मुंडे यांनी.

हे वाचा – खरिप पिकाच्या हमीभावाने विक्री करण्यासाठी अशी करा ऑनलाईन नोंदणी

2023 च्या खरीप हंगामातील कापूस व सोयाबीन शेतकऱ्यांना आर्थिक मदत वाटप करताना येणाऱ्या अडचणींबाबत आढावा बैठक, कृषी मंत्री श्री. मुंडे यांच्या अध्यक्षतेखाली आयोजित केला होता. यावेळी श्री. मुंडे म्हणाले की, 2023 च्या खरीप हंगामासाठी कापूस आणि सोयाबीन उत्पादक शेतकऱ्यांना 0.2 हेक्टरपेक्षा कमी क्षेत्रासाठी प्रति हेक्टर 1,000 रुपये आणि 0.2 हेक्टरपेक्षा जास्त क्षेत्रासाठी प्रति हेक्टर 5,000 रुपये (दोन हेक्टरच्या मर्यादेत) अर्थसहाय्य मंजूर करण्यात आले आहे. (सोयाबीन आणि कापूस अनुदान)

कापूस आणि सोयाबीन साठी खालील प्रमाणे निधी मंजूर केला आहे

यामध्ये कापूस उत्पादक शेतकऱ्यांना 1 हजार 548.34 कोटी रुपये, सोयाबीन उत्पादक शेतकऱ्यांना 2 हजार 646.34 कोटी रुपये असे एकूण 4 हजार 194.68 कोटी रुपये मंजूर करण्यात आले आहेत. सरकारने 30 ऑगस्ट 2024 रोजी खरीप हंगाम 2023 साठी कापूस आणि सोयाबीन शेतकऱ्यांना मंजूर आर्थिक सहाय्य देण्याची प्रक्रिया जाहीर केली आहे. संबंधित सरकारी निर्णय निर्गमित करून कापूस आणि सोयाबीन शेतकऱ्यांना आर्थिक सहाय्य देण्याची प्रक्रिया स्पष्ट केली आहे.

या तारखेपासून कापूस आणि सोयाबीन अनुदान वाटपास सुरू होणार

कृषी मंत्री धनंजय मुंडे यांनी सोयाबीन आणि कापूस उत्पादक शेतकऱ्यांना 2023 या वर्षासाठी हेक्टरी 5,000 रुपये अनुदान जाहीर केले होते; त्यानुसार नुकत्याच झालेल्या अर्थसंकल्पात निधीची तरतूद करण्यात आली असून, आता येत्या 10 तारखेपासून हा निधी थेट शेतकऱ्यांच्या खात्यात जमा होणार आहे.

हे वाचा – पिकाचे नुकसान झाले असा करा क्लेम – स्टेप बाय स्टेप प्रोसेस